1-июндан тарта кайсы экономикалык ишмердүүлүктүн түрлөрү өз жумуштарын жандандыра алат?
Сүрөт интернеттен алынды
Июнь айынын биринен тарта карантин режиминде уруксат берилген экономикалык ишмердүүлүктүн түрлөрү тууралуу Республикалык штабдын пресс-борборунда КРдин биринчи вице-премьер-министри Кубатбек Боронов маалымат берди.
Берилген маалыматка ылайык, 2020-жылдын 1-июнунан тартып: Керектөөчү товарларды жана тамак-аш азыктарын өндүрүү жана соода-сатык чөйрөсүндөгү иштин бардык түрлөрү; Калкты тейлөө кызматтары тармагындагы иштин бардык түрлөрү; Аудит жана консалтингдик компаниялар; Жарнама агенттиктери; Туристтик жана эс алуу жайлары (эс алуу үйлөрү, пансионттар, тарыхый жайлар ж.б. жерлерге жеке унаалар менен саякаттоо сунушталат) ишке киргизилет.
2020-жылдын 5-июнунан тартып мектепке чейинки билим берүү жаатындагы уюмдардын ишмердүүлүгү тиешелүү ведомстволор тарабынан текшерүүдөн өткөндөн кийин гана башталмакчы.
2020-жылдын 8-июнунан тартып ички рейстер Бишкек-Ош каттамы ачылат.
Муну менен эле катар, республикалык штаб тарабынан төмөнкү багыттар боюнча айрым чектөөлөрдү калтыруу сунушталууда. Алар: маданий, спорттук, илимий, үй-бүлөлүк, эскерүү жана массалык иш-чараларын өткөрүү; көңүл ачуучу жайлардын ишмердүүлүгү (түнкү клубдар, караоке, кальян ж.б.); интернет-клубдардын, ошондой эле компьютердик оюн жайларынын ишмердүүлүгү; кинотеатрлардын ишмердүүлүгү; соода жана оюн-зоок борборлорунда жайгашкан тамактануу пункттарынын ишмердүүлүгү; балдар оюн-зоок жайларынын, оюн аянтчаларынын ишмердүүлүгү, анын ичинде соода жана оюн-зоок борборлорунда жайгашкан; билим берүү борборлорунун ишмердүүлүгү (тил курстары жана билим берүү кызматтарынын башка түрлөрү) гигиена нормаларын жана келгендердин ортосундагы аралыкты сактоо учурунда гана); автобус, микроавтобус аркылуу шаарлар аралык жана аймак аралык жүргүнчүлөрдү ташуу.
Маанилүү: Көрсөтүлгөн иштин түрлөрүн санитардык-эпидемиологиялык ченемдерди катуу сактоо менен жаңылоо керек, эпидемиологиялык кырдаалга карата уруксат берилген экономикалык иштин түрлөрүнүн тизмесине дагы өзгөртүүлөр киргизилиши мүмкүн.
последние
● Золотые слова министра иностранных дел Китая (КНР) Ван И на заседании «Две сессии-2020» #1
● 1-июндан тарта кайсы экономикалык ишмердүүлүктүн түрлөрү өз жумуштарын жандандыра алат?
● Кыргызстанда 8-июндан тарта өлкө ичиндеги авиа каттамдар жүргүзүлө баштайт
● В Кыргызстане создали портал предоставления услуг по усыновлению
Рекомендация
- 1В Кыргызстане скоро будут проводиться анализы на наличие антител к COVID-19
- 2На Западном Тянь-Шане восстанавливают леса
- 3Минздрав напомнил бишкекчанам о мерах предосторожности в общественном транспорте
- 428-майга карата республика боюнча коронавирусту жуктуруунун 74 жаӊы учуру катталды – жалпы 1594
- 5Борбор калаабыздын жана Чүйдүн 8 мектеби медициналык кабинеттер менен камсыз болмокчу