Асылбек Жээнбеков Ош шаарында митинг өткөрүп жатат

ФотоWWW

Президенттин бир тууган иниси Асылбек Жээнбеков сүйлөп, митингчилердин Ак үйдү басып алышын сындоодо.

Ош шаарынын борбордук аянтында митинг өтүп жатат. Бул туурасында Sputnik Кыргызстандын кабарчысы билдирди.

Митингге чогулгандардын арасында президенттин бир тууган иниси Асылбек Жээнбеков сүйлөөдө.

"Баары мыйзамдуу жол менен чечилиши керек. Бизде легитимдүү президент бар, ал өлкөгө мыйзамдуулукту орнотот", — деди Жээнбеков.

Ал митингчилердин Ак үйдү басып алышын сындап жатат. Анын жанында калаа мэри Таалайбек Сарыбашов турат.

Бирок экинчи тараптагы адамдар "таза шайлоо өткөн жок" деп кыйкырышууда. Мындан тышкары, "бийлик элдики, элди бөлбөгүлө" дегендер да бар.

Ушу тапта аянтта 500дөй киши чогулуп турат.