Сүрөт интернеттен алынды
Кытай Өкмөтү 100 000 даана ПЧР-тест, медициналык көз айнек - 30 000, N95 бет кап - 30 000, медициналык бет кап - 150 000, 1000 даана термометрди чартердик каттам менен Кыргызстанга гуманитардык жардам катары жеткирип берди. Бул тууралуу өкмөттүн аппаратынын маалыматтык камсыздоо бөлүмү кабарлады.
Берилген маалыматка ылайык, КЭРден келген гуманитардык жардамды кабыл алуу иш-чарасына Кыргыз Республикасынын вице-премьер-министри Акрам Мадумаров, Кытай Эл Республикасынын Кыргызстандагы атайын жана ыйгарым укуктуу элчиси Ду Дэвэнь айым катышты.
Иш-чарада Кыргыз Республикасынын вице-премьер-министри Акрам Мадумаров Кытай Өкмөтү гуманитардык жардам гана бербестен, коронавируска каршы күрөшүүдө кеп-кеңеш жактан дагы жакшы көмөк көрсөтүп жатканын белгиледи.
«Ушул жылдын апрель айында Кыргызстанга Кытайдын медициналык эксперттик тобу келип кеткен. Алар саламаттык сактоо уюмдарынын кызматкерлерин окутуп, коронавируска каршы күрөшүү боюнча тажрыйбасы менен бөлүшүп кеткен. Берилген гуманитардык жардам жарандардын ден соолугуна алып келген коркунучтарга каршы күрөшүү чараларын күчөтүүнү шарттайт. Берилген гуманитардык жардам үчүн Кыргыз Республикасынын Өкмөтүнүн атынан Кытай Эл Республикасынын Өкмөтүнө ыраазычылык билдирем», - деди Акрам Мадумаров.
Өз кезегинде элчи Ду Дэвэнь коронавируска каршы күрөшүүгө жардам берүү максатында Кыргызстан биринчилерден болуп Кытай Эл Республикасына гуманитардык жардам бергенин белгиледи.
Эскерте кетсек, буга чейин дагы Кытай Өкмөтү Кыргыз Республикасына гуманитардык жардам катары коргоочу медициналык жабдууларды берген.
последние
● Сегодня после долгого перерыва в стране прошел долгожданный рабочий день для тысяч людей
● Күч бирдикте - Кытай Кыргызстанга жардам берүүсүн улантууда
● Бүтүрүүчү класстарды мамлекеттик аттестациялоо быйыл башкача форматта өтөт
● На какие цели нужен маршрутный лист после отмены режима ЧП в Бишкеке?
Рекомендация
- 1В Кыргызстане зарегистрировали еще 13 новых случаев коронавируса. Всего — 769
- 2Республиканын айрым аймактарына карантин режими киргизилет
- 3Продлен срок действия «зеленого коридора» для иностранных граждан
- 4Кыргызстанцы, прибывшие из Соль-Елецка, пополнили счет заболевших. Сегодня их больше тысячи
- 5По всей республике будет сохранен режим ЧС, сроки будут еще продлены