2-майга карата COVID-19 вирусун жуктургандардын 13 жаӊы учуру катталды - жалпы 769
Сүрөт интернеттен алынды
2020-жылдын 2-майына карата республика боюнча коронавирусту жуктуруунун 13 жаӊы учуру катталды. Бул тууралуу КРдин Саламаттыкты сактоо министрлигинин Коомдук саламаттык сактоо башкармалыгынын башчысы Айнура Акматова республикалык штабдын пресс-борборунда билдирди.
Анын айтымына караганда, жалпы коронавирус жуктуруп алгандардын саны өлкө боюнча 769 адамга жетти. Алардын ичинен 410 - аял, 359 - эркек.
Айнура Акматова: “Жаңы катталган 13 учурдун ичинен Бишкек шаарында– 3, Ош шаарында - 2, Ош облусунда - 1, Жалал-Абад облусу – 4, Баткен облусунда - 2 жана Нарын облусунда - 1 учур бар. Алардын 4 - аял, 9 – эркек.
Сутка ичинде коронавирустан 23 бейтап айыгып, ооруканадан чыгарылды. Алар Бишкек шаарында – 9, Нарын облусунда – 11, Жалал-Абад облусунда - 2, Ош облусунда – 1 бейтап. Учурда, коронавирустан айыккандардын саны 527ге жетти.
Кыргызстанда коронавирус жуктурган 234 адам бейтапканаларда дарыланууда. Бул илдетти жуктурган 11 адамдын абалы оор, анын ичинен бешөө реанимацияда жатат. 43 бейтаптын абалы орточо оордукта болсо, 180 бейтаптын абалы канааттандырарлык.
Кыргызстанда сутка ичинде 2 медкызматкерде коронавирус аныкталды. Алар Ош шаарында бир жана Жалал-Абад облусунда 1 адам. Жалпысынан республика боюнча COVID-19 диагнозу менен медициналык кызматкерлер арасында 200 учур катталган, алардын ичинен 122 медкызматкер стационарлардан айыгып чыкты.
5-апрелден тарта изилдөөгө келип түшкөн үлгүлөрдүн саны 53 миң 662ни түздү. Алардын ичинен 53 миң 580ге изилдөө жүргүзүлдү”, - деп маалымат берди.
Бүгүнкү күнү, COVID-19 лабораториялык тастыкталган оорулуулар менен байланышта болгон жактардын саны – 3 232 (байланышта болгондордун саны эпидемиологиялык изилдөөлөрдүн жүрүшүндө өзгөрүшү
ыктымал). Кыргызстан боюнча обсервацияда 828 адам жатат.
последние
Рекомендация
- 1Все страны должны нести ответственность за свою ситуацию с эпидемией COVID-19
- 2МИД КНР: Китай готов и впредь оказывать Кыргызстану посильную помощь в борьбе с COVID-19
- 3Тартип, мыйзамды сыйлоо, эрежелерге баш ийүү аркылуу гана Кытай COVID-19 илдетин жеңип чыга алышты
- 4Специалисты из Польши совместно с врачами инфекционной больницы ведут наблюдение за больными с коронавирусной инфекцией
- 5В Кыргызстане зарегистрировали еще 10 случаев коронавируса. Всего — 756