WeChat      Избранное

9-майга карата республика боюнча коменданттык сааттын эрежелерин бузган 113 жаран кармалды

09/05/2020  Источник:оригинал   шрифта:

9-майга карата республика боюнча коменданттык сааттын эрежелерин бузган 113 жаран кармалды

Сүрөт интернеттен алынды

2020-жылдын 9-майына карата Кыргыз Республикасынын өзгөчө абал киргизилген аймактарында коменданттык сааттын эрежелерин бузгандыгы үчүн 113 жаран ички иштер органдарынын бөлүмдөрүнө жеткирилди. Бул тууралуу КРдин Ички иштер министрлигинин Басма сөз кызматы маалымдады. 

Кыргыз Республикасынын аймагындагы өзгөчө абал киргизилген Бишкек шаары, Ош шаарынын, Жалал-Абад шаарынын, жана Нарын облусунун Ат-Башы районунун аймактарында коменданттык саат киргизилген убакыттын ичинде тактап айтканда кечки саат 21.00 эртең мененки 06.00 убакыттын ичинде жалпы республика боюнча коменданттык сааттын талаптарын жана эрежелерин эскертүүлөргө карабай бузгандыктары үчүн ички иштер органдарынын бөлүмдөрүнө 113  жаран жеткирилди. Бир сутка ичинде атайын коюлуучу жайга 9 унаа киргизилди.

Алардын ичинен: Бишкек шаары– 98, Ош шаары -11, Жалал-Абад шаары-4.

Нарын облусунун Ат-Башы району боюнча коменданттык сааттын тартибин бузгандар катталган жок.

Жалпысынан алганда 25-марттан баштап бүгүнкү күнгө чейин өлкө аймагында 4846 жаран коменданттык саатты бузгандыктары үчүн милициянын кайгуул тобу менен кармалды, анын  ичинен 4733 эркектер, 555 аял киши. Алардын бардыгына коменданттык сааттын талаптары менен эрежелерин бузгандыктары боюнча түшүндүрүү иштери жүргүзүлүп, экинчи кайталанбоосу эскертилип, коменданттык сааттын аякташы менен койо берилди. Алардын ичинен 3571 жаранга эскертүү берилип,1275 жаранга протокол түзүлүп, айып салынды.  

Ошондой эле, 25-марттан баштап азыркы күнгө чейин коменданттык саатты бузгандыгы үчүн 373 автоунаа токтотуучу жайга киргизилди.

ИИМ жарандарды Өзгөчө абалдын жана коменданттык сааттын талаптарын так аткарууга, социалдык тармактар жана интернет аркылуу жалган маалыматтарды таратпоого чакырат.

(Автор:Чолпонай ТУРДАКУНОВА / Редактор:GL)