19-майга карата республика боюнча коронавирусту жуктуруунун 27 жаӊы учуру катталды – жалпы 1243
Сүрөт интернеттен алынды
2020-жылдын 19-майына карата республика боюнча коронавирусту жуктуруунун 27 жаӊы учуру катталды. Бул тууралуу КРдин Саламаттыкты сактоо министринин орун басары Нурболот Үсөнбаев республикалык штабдын пресс-борборунда билдирди.
Анын айтымында, республика боюнча коронавирус жуктурган жалпы 1 миң 243 бейтап болду. Анын ичинен жалпы 898 адам айыгып, ооруканадан чыгарылды.
Нурболот Үсөнбаев: “Жаңы 27 учурдун ичинен Бишкек шаарында - 6 + 1 учур Санк-Петербург шаарынан келгендердин арасынан табылды. Чүй облусунда - 3 учур, Соль-Илецк шаарынан келгендер арасынан аныкталды. Нарын облусунда - 11 учур катталса, Ош облусунда 6 адамда коронавирус табылды.
Кыргызстанда дагы 71 бейтап коронавирустан айыгып, ооруканадан чыкты. Сутка ичинде Бишкек шаарынан - 55, Жалал-Абад облусунан - 11, Нарын облусунан - 2, Баткен облусунан - 3 бейтап коронавирустан айыгып, үйлөрүнө чыгарылды.
Бүгүнкү күнү өлкө боюнча медициналык кызматкер арасында коронавирус жуктуруп алгандардын саны 2 учур болду. Ал эми стационарлардан 7 медкызматкер сакайып чыкты.
Жалпысынан республика боюнча COVID-19 диагнозу менен медициналык кызматкерлер арасында – 257 учур катталды, алардын ичинен 219 медкызматкер стационарлардан айыгып чыккан”, - деп маалымат берди.
Учурда, COVID-19 лабораториялык тастыкталган оорулуулар менен байланышта болгон жактардын саны – 6164 (байланышта болгондордун саны эпидемиологиялык изилдөөлөрдүн жүрүшүндө өзгөрүшү ыктымал). Кыргызстан боюнча обсервацияда 2153 адам жатат.
последние
● В Кыргызстане зарегистрировали 27 новых случаев коронавируса. Всего - 1243
● 19-майга карата республика боюнча коронавирусту жуктуруунун 27 жаӊы учуру катталды – жалпы 1243
● Явилась истина, и сгинула ложь. Десять фейков про COVID—19 #5
● 【наши соседи】Бердымухамедов одобрил План противодействия Туркменистана COVID-19
Рекомендация
- 1ӨК режиминде Бишкекте ишмердүүлүктү жүргүзүү үчүн кандай документке ээ болуу зарыл
- 2Замминистра здравоохранения: Как можно говорить, что коронавируса нет?
- 3 Количество контактных лиц с больными COVID-19 достигло более пяти тысяч человек
- 4В апреле зафиксирован существенный спад экономики
- 5Ординаторы КГМА работают на передовой борьбы с COVID-19