WeChat      Избранное

25-майдан тарта Бишкекте коомдук унаа каттай баштайт

19/05/2020  Источник:оригинал   шрифта:

25-майдан тарта Бишкекте коомдук унаа каттай баштайт

Сүрөт интернеттен алынды

21-майдан тарта ачыла турган тармактар эки этапка бөлүндү. Бул тууралуу биринчи вице-премьер-министр Кубатбек Боронов республикалык-штабдын пресс-борборунда билдирди. 

Анын айтымында, учурдагы өлкөдөгү эпидемиологиялык абалга байланыштуу медициналык кызматкерлердин, эксперттик топтордун берген сунуштамалары боюнча 21-майдан тарта ачыла турган тармактар экиге бөлүндү. 

21-майдан тарта ишин жанданта турган тармактар:

1.Калкты тейлөө борборлору (бардык тармактар боюнча);

2.Калкты тиричилик жактан тейлөө борборлору (саат, бут кийим оңдоо);

3.Эмерек чогултуу жана оңдоо ишканалары;

4.Соода борборлору (ичиндеги балдар оюн-зоок аянтчалары жана коомдук тамактануу жайлардан тышкары);

5.Азык-түлүк эмес товарларды сатуучу дүкөндөр жана пункттар;

6.Унаа жана мал базарлар;

7.Жеке менчик репетитордук кызматы көрсөтүү;

8.Менчик мончо жана СПА борборлору (коомдук мончо жана сауналардан тышкары);

9.Мейманканалар (машыгуу залдары жана бассейндер иштебейт).

Ал эми, коомдук транспорт Бишкекте 25-майдан тартып жүрө баштайт. Аралыкты жана санитардык ченемдерди так сактоо боюнча катаал талаптар коюлмакчы. Жүргүнчүлөрдүн баары беткап тагынууга милдеттүү болот. Бул айдоочуга жана ишкана ээсине коюлучу талап болуп саналат. 

(Автор:Чолпонай ТУРДАКУНОВА / Редактор:GL)