Тоолуу аймактагы эпидемиологиялык кырдаалга байланыштуу Бишкектен дарыгерлер тобу Нарынга жиберилди
Сүрөт интернеттен алынды
Нарын облусунда түзүлгөн коронавирус инфекциясы боюнча эпидемиологиялык кырдаалга байланыштуу, борбор калаадан 14-майда медициналык адистердин тобу аталган аймакка жөнөп кетти. Бул тууралуу республикалык штабдан маалымдашты.
Берилген маалыматка ылайык, эсеп боюнча бул тоолуу аймакка жиберилген тогузунчу топ болуп саналат. Бүгүн жолго чыккан ыктыярчы дарыгерлер тобуна үч акушер-гинеколог жана реаниматолог кирди. Алар 10 күн бою аймактагы кесиптештерине тажрыйбалык жардам көрсөтүшмөкчү. Эки акушер-гинеколог Нарын облустук бириккен ооруканасына, ал эми реаниматолог менен операция жасоочу дарыгер, акушер-гинеколог Нарын облусундагы Ат-Башы районуна жөнөтүлдү.
Ар бир медкызматкер керектүү өздүк коргонуу каражаттары менен камсыздалды. Иш сапарга байланышкан бардык чыгымдар, ошондой эле негизги иштеген жери боюнча эмгек акысын сактоо менен кошумча төлөмдөр Кыргыз Республикасынын мыйзамдарына ылайык, ошондой эле эпидемиологиялык фонддон каржыланмакчы.
Эске сала кетсек, бүгүн 14-май күнүнө карата Кыргызстанда бир сутка ичинде 38 жаңы учур катталган. Алардын ичинен Бишкек шаарында - 14, Чүй облусунда - 4, алардын ичинен 2 учур Соль-Илецктен келгендерден чыккан, Ош шаарында - 1, Жалал-Абад облусунда - 4 жана Нарын облусунда - 15 учур бар.
последние
● Быйыл 11-класстын бүтүрүүчүлөрү арасынан 1253 окуучу артыкчылык аттестатына талапкер
● Тоолуу аймактагы эпидемиологиялык кырдаалга байланыштуу Бишкектен дарыгерлер тобу Нарынга жиберилди
● 【наши соседи】 Древние мавзолеи, крепости и музеи: 10 известных достопримечательностей Таджикистана
● 【наши соседи】 Казахстан передал Таджикистану пять тысяч тонн муки
Рекомендация
- 1Работа акушерок, отметивших Международный день акушерок, не прекращается и при пандемиях
- 2Кытай компаниялары Кыргызстанга гуманитардык жардам көрсөтүүдө
- 3Мать 40 лет ждала без вести пропавшего сына на полях Великой Отечественной
- 46-майга карата республика боюнча коронавирусту жуктуруунун 28 жаӊы учуру катталды – жалпы 871
- 5Количество заболевших и умерших продолжает расти. COVID-19 не сдается