Кыргызстанда 7-апрелге карата COVID-19 менен катталган 12 жаңы учур катталды - алардын жетөөсү дарыгерлер

Сүрөт интернетттен алынды

Кыргызстанда 7-апрелге карата COVID-19 менен катталган 12 жаңы учур катталды. Бардыгы Ош облусунда обсервацияда болгон. 9 аял, 3 эркек киши.  Бул тууралуу Саламаттыкты сактоо министри Сабыржан Абдикаримов республикалык штабдын пресс-борборунда маалымдады.

Ошондо, 2020-жылдын 7-апрелине карата Кыргызстанда COVID-19 инфекциясын жуктургандардын жалпы саны 228 түздү. Алардын ичинен: Жалал-Абад облусунда – 80, Ош облусунда – 106, Баткен облусунда – 4, Нарын облусунда – 5, Ысык-Көл облусунда – 3, Чүй облусунда – 30.

Сабыржан Абдикаримов: “Бардыгыбыз билгендей, Кытай Эл Республикасы дагы тартиптин, ушундай чаралардын  арты менен тез аранын ичинде жеңишке жетишти. Ошондуктан, учурда кырдаалды жөнгө салууда көрүп жаткан чараларыбыз туура деп эсептейбиз”,-деп билдирди. 

Бугүнкү күндө, COVID-19 оорусун жуктурган дарыгерлердин саны 19 түзүп, алардын бардыгы тиешелүү дарылануудан өтүп, ооруканаларда жайгаштырылгандыгы белгилүү болду. Саламаттыкты сактоо министринин айтуусунда жаңы жуктурган 12 бейтаптып жетөөсү – дарыгерлер, бардыгы ооругандар менен байланышта болгондор. 

“Бүгүнкү күндө COVID-19 инфекциясын жуктуруп алган дарыгерлерге кенемте төлөп берүү маселеси каралып жатат. Кенемтенин суммасын комиссия аныктайт – бул бир жолку компенсация, ал эми өлүм учуру катталса, башка кенемте каралат”, - деп билдирди саламаттык сактоо министри С.Абдикаримов.

Анын айтымында, ушул күндөрү өзгөчө абал учурунда дарыгерлердин макамы тууралуу мыйзам Жогорку Кеӊешке кароого киргизилет жана алар тез арада оӊдоолорду киргизүүгө даяр.