Ош шаарында балдарды аралыктан окутуу үчүн муктаж болгон үй-бүлөлөргө телевизорлор убактылуу пайдаланууга берилүүдө
Сүрөт интернеттен алынды
Ош шаардык билим берүү башкармалыгы мектептердеги телевизорлорду муктаж үй-бүлөлөргө убактылуу пайдалануу үчүн берди. Бул тууралуу КРдин Билим берүү жана илим министрлигинин басма сөз кызматы билдирди.
Аралыктан окутуу ишмердүүлүгү башталган кезде Ош шаарында 314 үй-бүлө телевизорго муктаж экени такталган. Ошондуктан, Ош шаардык билим берүү башкармалыгы мектептердеги телевизорлорду муктаж үй-бүлөлөргө убактылуу пайдалануу үчүн беришти. Муну менен катар үйүндө ашыкча телевизору бар мугалимдер да бул маселени чечүүгө көмөктөштү. Айрымдардын үйүндөгү бузук телевизорлору оңдолуп, пайдаланууга берилди.
«Азыркы учурда телевизор көйгөйү чечиле элек дагы 3 үй-бүлө калды. Алар алыскы айылдардагы үйлөрүндө турушкандыктан, учурда аларга телевизор жеткирип берүү же башка жолун табууга аракет кылып жатабыз. Ошентсе да, алар телефондон интернет аркылуу сабактарга катышуу мүмкүндүгү бар», - дейт Ош шаардык билим берүү башкармалыгынын башчысынын милдетин аткаруучу Бектурсун Көкөнов.
Билим берүү жана илим министрлиги дистанттык окутуу башталгандан аймактарда мониторинг жүргүзүп, сыналгы, смартфону жок үй-бүлөлөрдү аныктап жатат. Жергиликтүү бийлик жана демөөрчүлөрдүн жардамы аркылуу аларга көмөк көрсөтүүдө.
Эске сала кетсек, 2020-жылдын 8-апрелинен тарта учурдагы кырдаалга байланыштуу билим берүү мекемелери окуучуларды аралыктан окутуу ишмердүүлүгүн башташкан.
последние
Рекомендация
- 1Игорь Шестаков: Торгово-экономическое взаимодействие с Китаем носит стратегический характер
- 22020-жылдын 21-апрелине карата COVID-19 вирусун жуктургандардын 22 жаӊы учуру катталды - жалпы 590
- 3Президент Сооронбай Жээнбеков подписал Указ о продлении чрезвычайного положения в отдельных городах и районах страны до 30 апреля 2020 года.
- 4В первом квартале через КПП Маньчжурия увеличилось количество грузовых поездов Китай-Европа
- 5Героинями шестого тома энциклопедии «Женщины Кыргызстана» в большинстве своем станут медицинские работники