29-апрелге карата COVID-19 вирусун жуктургандардын 21 жаӊы учуру катталды - жалпы 729
Сүрөт интернеттен алынды
2020-жылдын 29-апрелине карата республика боюнча коронавирусту жуктуруунун 21 жаӊы учуру катталды. Бул тууралуу КРдин Саламаттыкты сактоо министрлигинин Коомдук саламаттык сактоо башкармалыгынын башчысы Айнура Акматова республикалык штабдын пресс-борборунда билдирди.
Анын айтымына караганда, жалпы коронавирус жуктуруп алгандардын саны өлкө боюнча 729 адамга жетти.
Айнура Акматова: "Жаңы катталган 21 учурдун ичинен Бишкек шаарында - 13, Ош облусунда - 1, Нарын облусунда - 6 жана Баткен облусунда 1 учур бар.
Коронавирустан 21 бейтап айыгып, ооруканадан чыгарылды. Алардын ичинен Бишкек шаарында – 9, Нарын облусу – 5, Жалал-Абад облусу - 3, Ош облусу – 1, Ош шаарында - 3 бейтап. Учурда, бул дарттан айыккандардын саны 437ге жетти. Ооруканадан чыгарылгандардын бардыгынын анализдери терс болуп чыкты.
Азыркы тапта, 284 адам бейтапканаларда дарыланууда. 10 адамдын абалы оор, анын ичинен төртөө реанимацияда жатат. 52 бейтаптын абалы орточо оор. 222 бейтаптын абалы канааттандырарлык.
Бир сутка ичинде Бишкек шаарында 2, Нарын облусунда 3 жана Ош облусунда 1 медкызматкер коронавирус жуктурган. Жалпысынан республика боюнча COVID-19 диагнозу менен медициналык кызматкерлер арасында 191 учур катталды”, - деп маалымат берди.
COVID-19 лабораториялык тастыкталган оорулуулар менен байланышта болгон жактардын саны – 3 009 (байланышта болгондордун саны эпидемиологиялык изилдөөлөрдүн жүрүшүндө өзгөрүшү ыктымал).
Кыргызстан боюнча обсервацияда 1000 адам жатат.
5-апрелден тарта изилдөөгө келип түшкөн үлгүлөрдүн саны – 50 775. Жүргүзүлгөн изилдөөлөрдүн жалпы саны – 50 775. Сутка ичинде жүргүзүлгөн изилдөөлөр – 1 795.
последние
Рекомендация
- 1Дамир Осмонов: По окончании карантина у нас будет больше работы и пациентов
- 2Абдикаримов: Минздрав открыт для диалога
- 3КРдин Билим берүү жана илим министрлиги жеке менчик билим берүү уюмдарына окутуу акысын кыскартууну сунуштайт
- 4Режим ЧП в Бишкеке, Оше и Джалал-Абаде продлили до 10 мая
- 5 Жаңы окуу жылынан тарта дистанттык окутууну кошумча билим булагы катары киргизүү пландалууда